Հարգելու բարեկամ։
Արդեն գործում է մեր նոր կայք էջը։ Այսուհետ կարող եք այցելել

www.yerevancollege.am

Հատված ..Բեմական խոսք.. առարկայի քննությունից։ Դասախոս՝ Տաթև Ղազարյան (տեսնյութը ..Անհրաժեշտ կայքեր. տեսանյութեր. տեսահոլովակներ բաժնում)

Դեկտեմբերի 21-ին Մալաթիայի Հայորդաց տան և Հայ Բարեգորցական Ընդհանուր Միության ,,Հումորիկ,,  թատերախումբը և մեր քոլեջի դերասանական արվեստ բաժնի ուսանողները հանդիսատեսի դատին հանձնեցին Էդուարդո Դե Ֆիլիպոյի ,,Ծննդյան տոները սինյոր Կուպելոյի տանը,, ներկայացումը (Բեմադրությունը Արևիկ Սանթրոսյանի):

Արվեստի պատմություն (Բաց դաս)։ Շուկայագիտություն 1-ին կուրս։ Դասախոս՝ Անահիտ Մարգարյան, Կուրսի ղեկավար՝ Հասմիկ Հովհաննիսյան

Նոյեմբերի 21-Ը Հեռուստատեսության միջազգային օրն է։ Այս առիթով քոլեջի ուսանողները այցելեցին ..Երկիր-Մեդիա.. հեռուստաընկերություն. ծանոթացան հեռուստատեսության աշխատանքներին. լսեցին դասախոսություն և տեսան այն. ինչը տեսանելի չէ հեռուստադիտողների համար։
Մեր շնորհակալությունն ենք հայտնում հեռուստատեսության ղեկավարությանը այս հետաքրքիր նախաձեռնությունն իրականացնելու համար։

Նոյեմբերի 17-ը ուսանողության միջազգային օրն է։ Տոնի նախօրյակին քոլեջի ուսանողները նախ մաքրեցին մեր այգին ու տարածքը, ապա այդ հիշարժան օրը նշեցին ուրախ ժամանակ անցկացնելով քաղաքի երաժշտական ակումբներից մեկում։

Քոլեջի մանկավարժական խորհուրդը որոշեց այն հինգ ուսանողների անունները ովքեր մեկ տարի կստանան մոսկվայում բնակվող մեր հայրենակից Արեգ Զաքոյանի կողմից սահմանված կրթաթոշակը։
այդ ուսանողներն են
Սուսաննա Հակոբյանը
Լուսինե Ավետսյանը
Լիա Հարությունյանը
Քրիստինե Ավոյանը
Օֆելյա Բրուտյանը
Շնորհակալություն ենք հայտնում պարոն Զաքոյանին և շնորհավորում մեր ուսանողներին։

Միջին մասնագիտական ուսումնական այլ հաստատությունների թվում մեր քոլեջը նույնպես պայմանգրեր ունի հանրապետության մի շարք ԲՈՒՀ-երի հետ։ Համաձայն այդ պայմանգրերի, քոլեջի լավագույն ուսանողները կարող են իրենց ուսումը շարունակել ԲՈՒՀի երկրորդ կուրսում, եթե բարեհաջող հանձնեն համապատասխան հարցազրույցը։
Քոլեջի անցած տարվա Էկոնոմիկա, հաշվապահական հաշվառում և աուդիտ բաժնի շրջանավարտներից Հովհաննես Հոսեփյանը մեկն է այն ուսանողներից, որը գերազանց հանձնելով հարցազրույցը, այսօր արդեն Պետական Ագրարահային Համալսարանի երկրորդ կուրսի ուսանող է։

Հոկտեմբերի 25-ին ,,Մետրո թատրոնի,, դահլիճում մեկնարկեց ,,Նռան Հատիկ,, մանկապատանեկան թատերական հանրապետական փառատոնը։ Հանրապետության, Արցախի, Ջավախքի և Իրանի թատերախմբերի հետ այս փառատոնին առաջին անգամ իր մասնակցությունն էր բերել նաև մեր քոլեջը, որի դերասանական արվեստ մասնագիտության ուսանողները հոկտեմբերի 28-ին 12-30-ին Համազգային թատրոնի դահլիճում  ,,Հեյ,քեզ հետ եմ, բարև,, ներկայացումով հանդես եկան հանդիսատեսի ու ժյուրիի առջև։ Ներկայացմանը ներկա էին նաև ՀՀ Կրթության և գիտության աշխատակիցները, ճանաչված արվեստաբան Գարիկ Ղազարյանը։
Հոկտեմբերի 30-ին փառատոնի փակման շրջանակներում կազմակերպական կոմիտեն այլ թատերախմբերի թվում ՀՀ Մշակույթի նախարարի Շնորհագրով և փառատոնի արձանիկով պարգևատրեց նաև մեր քոլեջի ուսանողներին։

Քոլեջի Հասարակական սնունդ բաժնի երկրորդ և երրորդ կուրսի ուսանողներ Արթուր Սուտլյանը, Աշոտ Երիցյանը, Արթուր Պետրոսյանը և Հակոբ Դամիճյանը  սեպտեմբերի 19-ին մասնակցեցին Ախթալայում կայացած ,,Խորոված հանրապետական երկրորդ մրցույթ փառատոնին,,։
Մեր սովորողները դրսևորեցին իրենց մասնագիտական  գիտելիքներն ու արժանացան ժյուրիի  բարձր գնահատականներին և կազմակերպիչների մրցանակներին։